විජාතා චන්දකින්නරි

Description

කතුවරිය ගෙන්
නව කතාව යන්නසමාජයන්හි එක් පැතිකඩක් නිරුපණය කිරීමක් ලෙස අර්ථ දැක්විය හැකිය. එහෙත් එය හුදු සමාජ යථාර්තය ම නොවේ. කලාත්මක ලෙස සිතුවම් කල යථාර්තවාදී සිත්තමක් විය යුතු ය.
මෙය මගේ ප්රථම නවකතාවයි. මෙය වසර ගණනාවක් පුරා මා සිත්හි එක්රැස්වූනු සිදුවීම් මාලාවකින් තේරී බේරී ගොනු වී ගෙතුනකි.විවිධ සමාජ බලවේග උපේක්ෂාවෙන් විඳදරා ගනිමින්, ජීවන අරගලයට මුහුණ දීමට යන්න දරන ගැහැනියකගේ දුක, කඳුල සෝ සුසුම් පමණක් නොව චිත්ත ධෛර්යය හා මානව හිතවාදිබව ද මෙහිදී නිරුපනය කිරීමට උත්සහ කළෙමි. දරුවන් වැදු ස්ත්රිය යන තේරුම සහිත විජාතාව යන නවකතාවේ නමට එකතු කළෙමි. ගුරුවරියක ලෙස දිගු කලක් ගම දනව්, නගර හා වතු ආශ්රිත ව සේවය කිරීමෙන් මා ලැබූ සමාජ අත්දැකීම් මෙහි චරිත පෝෂණය කිරීමෙහිලා මට බෙහෙවින් උපකාරී විය.
සමාජ ඉතිහාසයෙහි නොයෙකුත් සත්ය සිදුවීම් මෙම නවකතාවේ දී මාප්රයෝජනයට ගෙන ඇති නමුත් ඒ සියල්ල සිද්ධිමය වශයෙන් හෝ කාලමය වශයෙන් නිවැරදි නොවේ. නවකතාවේ නිරුපණයට උචිත වන ලෙසට ඒවායේ වෙනස්කම් සිදුකොට ඇත.